Туркман аёлларига нега соч ва киприкларини бўяш тақиқланмоқда?

Туркман аёлларига нега соч ва киприкларини бўяш тақиқланмоқда?

Туркман аёллари, хусусан, пойтахт Ашхобод шаҳрида давлат ташкилотлари ва муассасаларида ишлайдиган хотин-қизларга сочлари ва киприкларини бўяш, шунингдек, тирноқларига расм чизиш ва тилла тақинчоқлар тақиш тақиқланган, деб ёзади Qalampir.uz.

Маълум қилинишича, жорий йилнинг март ойидан бошлаб Ашхободдаги сартарошхона ва гўзаллик салонларига соч бўёқлари, сунъий киприклар ва тирноқларни хизмат рўйхатидан чиқариб ташлаш тавсия қилинган.

Бундан ташқари, мамлакатга бундай махсулотларнинг киритилишига Божхона хизмати томонидан тақиқ қўйилгани натижасида ушбу махсулотлар нархи кескин ошиб кетгани таъкидланмоқда.

Ҳукумат ушбу тадбирни туркман миллий урф-одатлари қадрсизланишининг олдини олиш ва туркман аёлларининг анъанавий қадриятларга мос кўринишга эга бўлишини тарғиб қилиш мақсадида амалга оширилаётганини маълум қилган.

Аввалроқ, ҳукумат томгонидан туркман аёлларига автомобиль бошқариш тақиқлаб қўйилган эди.

Икром Раҳмон