Ko‘proq choy ichish uchun 6 sabab

Ko‘proq choy ichish uchun 6 sabab

Ko‘pchiligimiz choyni ichishda uning shifobaxsh xususiyatlari va organizmga bo‘lgan foydali ta’siri haqida o‘ylab o‘tirmaymiz.  Bu ichimlikni ko‘proq ichishning kamida 6 sababi bor. Maqolamizda ular haqida aytmoqchimiz. 

  1. Metabolizmni tezlashtiradi

An’anaviy qora va ko‘k choylar metabolizmni tezlashtiruvchi, demak modda almashinuvini yaxshilovchi va organizm tinch holatda bo‘lsa ham quvvat sarflashga yordam beruvchi tarkibiy qismlardan tashkil topgani hech kimga sir emas.

  1. Ovqat hazm qilishni yaxshilaydi

Choyning hamma turlari ovqatni yaxshi hazm qilishga, qorin damlashini kamaytirishga va ichak peristaltikasini yaxshilashga yordam beradi.

  1. Terini yoshartiradi

Choy, ayniqsa ko‘k choy elastin ishlab chiqilishini faollashtiradigan, demak teri hujayralarini yangilaydigan va uni namlaydigan katexinlar va polifenollarga juda boy. Har kuni 1—2 piyola ko‘k choy ichadigan kishilar o‘zining chiroyli rangdagi mayin terisi bilan maqtana olishi mumkin.

  1. Teri tuzilishini tekislaydi

Bu ajoyib ichimlik tarkibidagi faol bog‘lanishlar tufayli, uni muntazam ravishda iste’mol qilish mikrobga qarshi kuchli samara bilan ta’minlaydi. Bu husnbuzarlar paydo bo‘lishining oldini oladi. 

  1. Qondagi shakar miqdorini normallashtiradi

Ma’lum bo‘lishicha, choy kortizol gormonining ishlab chiqilishiga to‘sqinlik qilar ekan. Ichimlikdagi shu xususiyat tufayli qondagi shakar miqdorining to‘g‘rilanishi yaxshilanadi, demak qandli diabet paydo bo‘lish ehtimoli pasayadi.

  1. Vaznni nazorat qiladi

Ko‘pchilik olimlar bu ichimlikning ovqatga bo‘lgan moyillikni pasaytirishiga va tamaddilar sonini kamaytirishga yordam berishiga ishonadi. Bu choy yordamida o‘z vaznini boshqarish mumkin ekanligini bildiradi.

Manba: Daryo.uz