Ошхона

Қиймали шампиньонлар — кечки таом учун ажойиб таклиф

Зарур масаллиқлар: 6 дона бедана тухуми, ярим кг. шампиньон, 120 гр. товуқ гўшти, битта пиёз, 50 мл. қаймоқ, 30 гр. пишлоқ, 2 ош қошиқ ўсимлик ёғи, туз, мурч.

Тайёрланиши: 1. Пиёзни майда тўғраб, ўсимлик ёғида қизартириб олинг. 3-4 та парракланган шампиньонларни ва тўртбурчак шаклда тўғралган товуқ гўштини қизарган пиёзга қўшиб, қовуришда давом этинг.

2. Масаллиқларга туз, зираворлар, қирғичдан чиқарилган пишлоқ ва қаймоқни қўшиб, 5-8 дақиқага димлаб қўйинг.

3. Қўзиқоринларнинг қолган қисмини сувда чайинг-да, қийма солиниши учун ичини бўшатинг.

4. Шампиньонларнинг ичини қийма билан тўлдиринг. Сўнг ҳар бирининг устидан тухум чақинг.

5. Қиймали қўзиқоринлар 180 даража қиздирилган газ печида 15-20 дақиқа давомида пиширилади.

4 кишилик

35 дақиқа

Манба: Darakchi.uz