Гэри Чемпеннинг "Севгининг 5 та тили" асари оилада бир-бирини яхшироқ тушуниш, ўз жуфтига бўлган муҳаббатни қандай қилиб тўғри кўрсатишга ўргатади. Унинг қуйида келтирилган ибратли фикрлари оилавий ҳаётингиздаги энг яхши йўриқномага айланиши мумкин.
- Ҳар бир киши ўз муҳаббатини қандай қилиб ифодалай олишни биладиган уйда яшаш қандай яхши!
- Севги ҳақида ёзилган деярли барча фикрлар шуни тасдиқлайди — севиш - ўзини бағишлай олиш демакдир.
- Бир-биримизни тушунишни истасак, бир-биримизнинг истакларимиз ҳақида яхши билишимиз лозим.
- Кечириш — муҳаббатга томон йўлдир.
- Эски хатолар билан қилиш мумкин бўлган энг яхши иш - уларни тарихга айланишига имкон бериш.
- Илтимос муҳаббатни ифодалашга имкон беради, буйруқ эса уни ўлдиради.
- Турмуш ўртоғингиз билан ҳар куни суҳбатлашишни одат қилинг. Ҳар бирингиз ҳеч бўлмаганда кун давомида содир бўлган учта воқеа ҳақида бир-бирингизга ҳикоя қилинг, ўз ҳиссиётларингизни бўлишинг. Дастлаб шундан бошланг. Бир неча ой, балки ҳафта ўтиб, бир-бирингиз билан суҳбатлашишингиз анча енгиллашади.
- Қийин дамларда турмуш ўртоғингиз ёнида туриш, унга ҳадя этишингиз мумкин бўлган энг яхши совғадир.
- Жуфтингизни бирор нарсага эришиш учун мақтаманг. Бу муҳаббат эмас. Турмуш ўртоғингизни унга қувонч бағишлаш учун мақтанг.
- Болалар ўзининг кутилган ва керакли эканлигини ҳис қилиши лозим. Агар шундай бўлса, вақт ўтиши билан улар мукаммал инсонларга айланади.
- Биз дунёни турмуш ўртоғимизнинг кўзи билан кўришимиз лозим. Унинг учун нима муҳим эканлигини билиб олишимиз керак. Фақат шундагина уни ҳақиқатан қўллаб-қувватлай оламиз.
- Ёнимизда яқин, севимли инсонимизнинг бўлишига ҳар биримиз муҳтожмиз. Шунинг учун ҳам оила барпо этилади.
- Бир нарсани англаб етишга ҳаракат қилинг, ҳозир сиз унинг дунёсига киришни истамаяпсиз, кейинроқ унинг ўзи дунёсига киришингизга рухсат бермайди.
- Бирор ишни биргаликда бажарганингизда умумий хотиралар пайдо бўлади. Бу эса туганмас қувонч манбасидир.
- Нима бўлганда ҳам шундай қонуният мавжуд: бизни мақташганда, биз миннатдор бўламиз ва ҳар қандай илтимосни бажаришга қодир бўламиз.
