Маданият

Вазн камайтиришда қўл келадиган 20та маслаҳат

Агар тана вазни камайишига эриша олмаётганлардан бўлсангиз, у ҳолда одатларингизни ўзгартиришингиз керак. Тонгдан бошланг ва одатий ишларингизнинг бир қисмини озишга ёрдам берадиган ҳаракатларга ўзгартиринг. Шундай қилсангиз, ҳеч қандай машаққатсиз ортиқча вазндан халос бўласиз. Муҳими  - қайта семирмайсиз.

— 1 —

Нонуштани ўтказиб юборманг. Акс ҳолда кун давомида кўп еб юборасиз. Уйғонганингиздан кейин 1-2 соат ичида нимадир истеъмол қилинг (қаҳва – егулик эмас).

— 2 —

Тонгни нонушта тайёрлашга сарфламанг. Кечки пайт сулининг устига қайноқ сув қуйинг. Шундай қилсангиз, нонуштани ўтказиб юбормайсиз. Ёнғоқ, мева ва долчин қўшиб, ишхонадаги автомат қурилмадан сотиб олинадиган нарсага қараганда фойдали ва мазали таомга эга бўласиз.

— 3 —

Оқсил қўшинг. У кўпроқ вақт давомида тўқ юришингизга ёрдам беради. Бироқ оқсилнинг сифатли манбалари – тухум, балиқ ва йогуртни танланг.

— 4 —

Кулчаларни унутинг. Ширин, лўппи кулчалар жуда чиройли кўринади, бироқ улар нонуштага  (умуман олганда, тушлик ва кечки овқат учун ҳам) энг тўғри танлов эмас. Мувозанатлашган таомлар, масалан  гўшти қизил балиқли бутерброд истеъмол қилинг.

— 5 —

Кўк чой ичинг. Ундаги катехин моддаси ҳазм бўлиш жараёнини тезлаштириб, ёғлар эришига ёрдам беради. 

— 6 —

Ўтирган ҳолда овқатланинг.Тонг қанчалик “ҳовлиқма” бўлмасин, хотиржам нонушта қилиш учун 10 дақиқа вақт топинг. Столга ўтиринг ва таомга диққатингизни қаратинг: ана шунда кўпроқ тўйинасиз ва завқ оласиз.

— 7 —

Эрта туринг. Статистика шуни кўрсатадики, эрта турганлар ихчамроқ ва бахтлироқ бўлишади. Бу сўфитўрғай бўлиш ва уйғотгични вақтлироқ қўйишда сиз учун рағбатга айлансин.

— 8 —

Мақсадингизни ёдда тутинг. Смартфонингизда калория миқдорингиз нормасини эслатиб турувчи илова ўрнатинг. Ёки ушбу сон ёзилган варақни кўринадиган жойга ёпиштириб қўйинг. Бу сизга кун давомида фойдали маҳсулотларни танлашда ёрдам беради.

— 9 —

Вазнингизни ҳар куни ўлчанг. Тўғри овқатланиш зарурияти тўғрисида унутмасликка ёрдам беради. Шундай қилсангиз, “кутилмаганда” ортиқча 15 килограмга семириб кетмайсиз.

— 10 —

Пардаларни очинг. Каравотдан туришингиз билан хонага қуёш нурини “қўйиб юборинг”. У циркад суръатлари ва модда алмашинувини нормаллаштиришга ёрдам  беради. Ўзингизни яхшироқ ҳис этасиз ва камроқ ейсиз.

— 11 —

Бир стакан сув ичинг. Сув ҳам мусаффолик беради, ҳам ҳазм қилиш жараёнини тезлаштиради, ишлаш қобилияти ортади. Кўпроқ сув ичишни одатга айлантиринг.

— 12 —

Медитация қилинг. Тонгни медитациядан бошланг ва нафас олиш, ҳамда ёқимли фикрларга диққатингизни қаратинг. Яхшиси ички диалогни батамом тўхтатинг. Зўриқиш даражасининг пасайиши ёғ йиғилишининг олдини олишда ёрдам беради. Ижобий кайфият ширинликлар ўрнини босади.

— 13 —

Нонуштадан аввал кийининг. Нонушта вақтида тунги кўйлак ва халат кийманг. Бугун ишга боришингиз керак бўлмаса ҳам чиройли ва башанг кийининг. Бу ўзингизни чиройли ҳис этишга ёрдам бериб, кўп еб қўйишдан сақлайди.

— 14 —

Оч қоринга машқ қилинг. Қорнинг очлигида ёғ захираси ишга тушади.

— 15 —

Қизиқроқ нарса томоша қилинг.Аввалдан маълумки, 10 дақиқали кулги бир стакан қаймоқ ўрнини босади, бироқ сизга калория қўшмайди! Аксинча, кулгили видео ёки расмларни 10 дақиқа кўриш мобайнида 20 дан 40 гача ккал сарфлайсиз. Муҳими – ўзингизни чекламанг, чин дилдан кулинг.

— 16 —

Гармдори қўшинг. Биринчидан, у омлет, авокадо ва сэндвични мазалироқ қилади. Иккинчидан, қора мурч таркибидаги моддалар янги ёғ ҳужайралари пайдо бўлишининг олдини олади.

— 17 —

Долчин қўшинг. У иштаҳани назорат қилишга ёрдам беради.

— 18 —

Таркибида оқсил бўлган таёқчаларни танланг. Бу тонгда ухлаб қолиб, нонушта қилолмай қолган вақтингизда қулай усул. Бироқ ушбу егуликни ақл билан танланг (ортиқча қувватсиз), яхшиси ўзингиз мустақил тайёрланг.

— 19 —

Тухумнинг сариғини оқидан ажратманг. Озишни истаганларнинг кўпчилиги тухумнинг сариғидан воз кечиб, фақат оқини ейишади. Бироқ тухум сариғида нафақат қувват ва ёғ, балки тухумдаги асосий фойдали моддалар ҳам  мавжуд. Яхшиси тухумни бутунлигича, бироқ камроқ истеъмол қилинг.

— 20 —

Ҳар қандай ҳолатда ҳам мириқиб ухланг. Агар спорт билан шуғулланиш, мазали нонушта тайёрлаш ёки медитация қилиш учун эртароқ турмоқчи бўлсангиз, бунинг учун эртароқ ётиш кераклигини ёдда тутинг. Кун давомида кучга тўла ҳолда юриш учун сизга қанча хордиқ керак бўлса, ана шунча ухланг.

Манба: Kun.uz