“Xitrosti jizni” nashri orzuingizdagi qomatga erishishda yordam beradigan, biroq murakkab bo‘lmagan mashqlarni taqdim etdi.
- Press mashqi
Oyoqlaringini uydagi birorta og‘ir jihozga (masalan, batareya yoki divan) ilashtirib oling, qo‘llarni bosh orqasiga o‘tkazing va press mashqini boshlang. Tanani baland ko‘tarish shart emas. Necha martaga kuchingiz yetsa, shuncha marta bajaring, so‘ng kuniga ikki martadan ko‘paytirib boring. Birinchi martada 40—50 taga yetkazishga urining, so‘ng asta-sekinlik bilan 100 taga chiqaring.
- Gavdani ko‘tarish
Yuzasi qattiq bo‘lgan narsaga yoting, biroq oyoqlar yerda bo‘lsin (xuddi o‘tirganingizdagi kabi). Qalin kitobni oling va uni ko‘ksingiz ustida tutib, gavdani ko‘taring — boshlanishiga 15—20 marta kifoya qiladi. Ushbu mashqni yonma-yon qo‘yilgan ikkita taburetkada bajarish mumkin.
- Obruch aylantirish
Pressni mustahkamlovchi mashqlar birinchi navbatda qorin mushaklarini o‘stirsa, obruch — xipcha bel uchun yo‘ldir. Dastlab 10—15 daqiqa aylantiring va asta-sekinlik bilan 20—30 daqiqaga yetkazing. Ehtiyot bo‘ling, ushbu mashq ayrimlarga to‘g‘ri kelmasligi mumkin. Masalan, organlar pastga tushishiga moyillik bo‘lsa, uni bajarish mumkin emas. Shifokor bilan masalahatlashish zarur.
- Tizzalarni ko‘tarish
Turgan holatda oyoqlarni navbat bilan bukib, tepaga ko‘taring. Oyoqni sekinlik bilan qorin mushaklarini ishga solgan holda iloji boricha yuqoriroqqa ko‘tarish kerak. Va shunday sekinlik bilan yerga tushirish kerak.
- Buralish
Bu mashq qorin mushaklari biroz mashq ko‘rgan, ammo yog‘ qatlami ostida qolib ketgan kishilar uchun ayniqsa mos tushadi. Chalqancha yotib, tizzani bukamiz, qo‘llarni oldinga cho‘zamiz. Gavdani biroz ko‘taring va qorin mushaklarida taranglik hosil bo‘lgach, bir necha soniya shu holatda turing, so‘ng yerga yoting. Dastlab 5 marta, pirovardida 20—25 marta bajarish kifoya.
